केळये गावातील पायाभूत सुविधा सर्वसामान्य नागरिकांच्या गरजा लक्षात घेऊन विकसित करण्यात आल्या आहेत. गावात स्वतंत्र ग्रामपंचायत इमारत आहे. पाणीपुरवठ्यासाठी नपापू योजना तसेच सार्वजनिक आणि खाजगी विहिरींचा उपयोग केला जातो. गावात स्वच्छतेसाठी उपक्रम राबवले जातात तसेच प्रत्येक वाडीत स्ट्रीटलाईटची व्यवस्था आहे. शिक्षणासाठी जि.प. पूर्ण प्राथमिक मराठी शाळा असून, केळये पडयारवाडी, केळवाडी व बौद्धवाडी अशा तीन अंगणवाड्या कार्यरत आहेत. आरोग्याच्या दृष्टीने हातखांबा येथे आरोग्य केंद्र असून, त्याचे उपकेंद्र केळये येथे आहे.
खेळ आणि वाहतुकीसाठीही सुविधा उपलब्ध असून मराठी शाळा व हायस्कूल समोर खेळाचे मैदान आहे. केळये केळवाडी येथे मुख्य बसथांबा असून इतर वाड्यांमध्येही बससेवा उपलब्ध आहे. ग्रामपंचायत आणि आरोग्य उपकेंद्र यांच्या संयुक्त विद्यमाने आरोग्य शिबिरे आयोजित केली जातात. तसेच महिन्याच्या दुसऱ्या मंगळवारी आरोग्य उपकेंद्रामार्फत लसीकरण मोहिमा राबवल्या जातात, ज्यामुळे गावकऱ्यांचे आरोग्य सुरक्षित आणि सुदृढ राहते.
